Yil davomida import qilingan telefonlar qiymati $346,5 mlnni tashkil qildi

2024-yilning yanvar-noyabr oylarida O’zbekistonga qancha telefon import qilingani ochiqlandi. Bu haqda Statistika agentligi xabar bermoqda.

Unga ko’ra, 11 oyda qiymati $346,5 mlnga teng bo’lgan 3,8 mln dona mobil telefon import qilingan.

Eng ko’p telefon import qilgan davlatlar qatorida Xitoy (3,1 mln dona)va Vetnam (535,5 dona) yetakchilikni egallagan. Shuningdek, O’zbekistonga Hindiston 110,7 ming dona, Gongkong 43,2 ming dona va qolgan davlatlar — 5,1 ming dona telefon eksport qilgan.