«CITIC Construction» O’zbekistonda pullik yo’llar qurishni rejalashtirmoqda

Xitoyning «CITIC Construction» kompaniyasi O’zbekistonda yangi pullik yo’llar qurmoqchi. Bu haqda transport vazirligi xabar bermoqda.

Shuningdek, kompaniya Pungan — Namangan va Toshkent — Chinoz yo’llarini rekonstruksiya qilish loyihalarida ishtirok etishga qiziqish bildirdi.

27 mart kuni transport vazirligi va kompaniya vakillari o’rtasidagi uchrashuvda yo’llarni qurish va modernizatsiya qilish, shuningdek, ushbu loyihalar xarajatlarini optimallashtirish rejalari muhokama qilindi.

Kompaniya hozirda loyiha tadqiqotlarini olib bormoqda va tez orada barcha belgilangan talablarga javob beradigan loyiha takliflarini taqdim etadi.