Toshkentdagi pullik to‘xtash joylari narxlari e’lon qilindi

Toshkent shahar hokimligining qaroriga ko‘ra, pullik to‘xtash joylari 5 ta tarif zonasiga ajratilib, ularga 1 soat uchun narxlar belgilandi.

Unga ko’ra:

• birinchi tarif zonasi — 12 ming so‘m;
  
• ikkinchi tarif zonasi — 10 ming so‘m;
  
• uchinchi tarif zonasi — 8 ming so‘m;
  
• to’rtinchi tarif zonasi 6 ming so‘m;
  
• beshinchi tarif zonasi — 5 ming so‘m.

Shuningdek, favqulodda vaziyatlar va maxsus xizmatlar xodimlari tomonidan foydalaniladigan jigarrang, qizil yoki ko‘k-qizil miltillovchi chiroq va maxsus ovozli signallar bilan jihozlangan transport vositalari, old va orqa oynalarida “7.17” yo‘l belgisi tasviri tushirilgan I yoki II guruh nogironligi bo‘lgan shaxslar, II Jahon urushi qatnashchisi avtomobil hamda davlat ro‘yxatidan o‘tkazilmaydigan ikki g‘ildirakli transport vositalariga to’xtash joyidan foydalanilganligi uchun to’lov olinmaydi.

Jumladan, to‘xtash joylarida savdo, xizmat ko‘rsatish, tibbiyot, sport, madaniy-ko‘ngilochar muassasalar yonidan 5% joy (lekin 1 donadan kam bo‘lmagan) imtiyozli ruxsatnomaga ega shaxslarga ajratiladi.