Toshkentdagi pulli avtomobil to’xtash joylari 120 mlrd so‘mga sotildi

Toshkentda 86 ta pulli avtomobil to’xtash joylarini ijaraga berish bo‘yicha 57 mlrd so’m boshlang’ich narxda o’tkazilgan auksion bo’lib o’tdi. Bu haqda E-auksion portali e’lon qildi.

Unda restoran, IT, qurilish, konsalting va ko‘ngilochar xizmatlar bilan shug’ullanuvchi “Balcomuz” qo‘shma korxonasi 120 mlrd so‘mdan ortiq mablag’ taklif qilib g‘olib bo‘lgan. 

Ma’lumot uchun, g’olib kompaniyaning 60% ulushi “Balcom Co.Ltd” (Yaponiya) kompaniyasiga, 20%i Nuriddinov Avazbek Shokirjon o‘g‘liga, 10%i Akramov Bobur Axatovichga hamda qolgani (10%) Hoshimov Anvar Olim o‘g‘liga tegishli.