O’zbekistonda xorijga chiqish pasportini pochta orqali yetkazib berish yo’lga qo’yiladi

O’zbekiston prezidentining qaroriga ko’ra, xorijga chiqish biometrik pasportini pochta xizmati orqali yetkazib berish xizmati yo‘lga qo‘yiladi.

Qaror bilan xorijga chiqish biometrik pasportini berganlik uchun undiriladigan davlat boji summasini qayta taqsimlash va xorijga chiqish biometrik pasportini pochta xizmati orqali yetkazib berish belgilanadi.

Shuningdek, voyaga yetmagan shaxslarga xorijga chiqish biometrik pasporti rasmiylashtirilganda uning ota-onasi yoki ularning o‘rnini bosuvchi yoxud hamrohlik qiluvchi shaxslarni bolani chet davlat hududida nazoratsiz qoldirganlik uchun javobgarlik haqida ogohlantirish ko’rsatib o’tilgan.