“Uzbekistan Airways” Hindiston va Pokiston o‘rtasidagi ziddiyat tufayli parvozlarni o‘zgartirdi

“Uzbekistan Airways” Hindiston va Pokiston chegarasi yaqinidagi parvozlarga qo‘yilgan cheklovlar tufayli parvozlar jadvalida vaqtinchalik o‘zgarishlarni e’lon qildi.

Shu munosabat bilan Toshkent – Dehli, Mumbay, Lahor, Bangkok, Kuala-Lumpur, Pxuket va ortga qaytuvchi yo‘nalishlar bo‘yicha ayrim reyslar to‘xtatildi va yo‘nalishlar o‘zgartirildi. Alohida holatlarda yo‘l davomiyligi kamida 1,5 soatga ortadi.

Bekor qilingan reyslar yo‘lovchilariga eng yaqin mavjud sanalarga bepul qayta bron qilish yoki chipta narxini to‘liq qaytarish taklif etiladi.