Qonunchilik palatasi oziq-ovqat xavfsizligi to‘g‘risidagi qonun loyihasini rad etdi

Oliy Majlis Qonunchilik palatasining yalpi majlisida “Oziq-ovqat mahsulotlari xavfsizligi to‘g‘risida” gi qonun loyihasi ikkinchi o‘qishda ko‘rib chiqildi.

Ushbu hujjat mazkur sohadagi davlat siyosatini belgilaydi, davlat organlari o‘rtasida vakolatlarni taqsimlaydi hamda sanitariya me’yorlarini xalqaro standartlarga moslashtirish choralarini nazarda tutadi.

Qonun loyihasida oziq-ovqat mahsulotlarini ishlab chiqarish, qadoqlash, markalash, saqlash, tashish, sotish va ularning kelib chiqishini kuzatib borish bo‘yicha yagona talablar mustahkamlangan. Shuningdek, oziq-ovqat mahsulotlarini ishlab chiqarishdan to utilizatsiya qilishgacha bo‘lgan barcha bosqichlarda faoliyat yurituvchi tadbirkorlarning huquq va majburiyatlari aniq belgilab berilgan.

Qonun oziq-ovqat mahsulotlari aylanmasini nazorat qilish uchun ochiq elektron reyestr yaratilishini ko‘zda tutadi va yaroqlilik muddati tushunchalarini aniqlashtiradi: u “eng maqbul iste’mol muddati” yoki “oxirgi iste’mol muddati” sifatida belgilanishi mumkin.

Muhokama jarayonida deputatlar qonun loyihasiga e’tirozlar bildirib, uni rad etdilar va tuzatishlar kiritishni taklif qildilar. Qonun loyihasi ushbu takliflar asosida qayta ishlab chiqiladi.