Janubiy Koreyaning ikkita aviakompaniyasi O’zbekistonga parvozlarni amalga oshiradi

Janubiy Koreyaning “Jeju Air” va “T’way Air” aviakompaniyalari O‘zbekistonga parvozlarni amalga oshiradi. Bu haqda “Yonhap” axborot agentligi xabar berdi.

Parvozlar kelasi yildan boshlab haftasiga to’rt marta Incheon — Toshkent yoʻnalishida amalga oshiriladi. “Jeju Air” aviatsiya bozorida 2005-yildan beri faoliyat yuritadi. 

“T’way Air” aviatashuvchisi esa 2003-yilda ochilgan. Kompaniya Yevropa va Janubi-Sharqiy Osiyo mamlakatlariga parvozlarni amalga oshiradi. Boeing 737 va Airbus A330 samolyotlari yo’lovchilarni tashish uchun ishlatiladi.

Bundan oldin, Saudiyaning  “Flyadeal” aviakompaniyasi 21-noyabrdan Jidda — Toshkent yo’nalishida qatnovlarni boshlagani haqida xabar berilgandi.