Gonkong O’zbekiston orqali Yevropaga tovarlar eksport qilmoqchi

O’zbekiston Gonkong aviatsiya hukumati bilan kelishuvga erishildi. Bu haqda trasport vazirligi xabar berdi.

Mazkur kelishuv O‘zbekistonda tashkil etilgan yangi aviakompaniyalar uchun yangi parvoz maskani  hamda sayyohlarni O‘zbekistonga olib kelishi uchun keng imkoniyatlar berishi bilan bir qatorda Gonkongdan Yevropa, Turkiya, Arab hamda boshqa mamlakatlarga yuklarni O‘zbekiston orqali tranzit qilish uchun zamin yaratadi.

Gonkong xalqaro aeroportida yiliga 40 mln yo‘lovchiga xizmat ko‘rsatilib, 270 mingdan ortiq uchish-qo‘nish operatsiyalari amalga oshiriladi.

Shuningdek, 4.3 mln tonna yuk havo kemalari orqali tashiladi. Aeroportdan 120 dan ortiq aviakompaniyalar 220 dan ortiq yo‘nalishlarga aviaqatnovlarni amalga oshirib keladi.