O‘zbekiston Kuvayt bilan hamkorlikda “Aqlli” shaharlarni barpo etish haqida kelishuvga erishdi

O‘zbekiston Kuvayt “Aqlli” shaharlarni barpo etish sohasidagi hamkorlik to‘g‘risida bitim imzoladi. Bu haqda Prezident matbuot xizmati ma’lum qildi. 

Al-Kuvayt shahrida bo‘lib o‘tgan muzokaralar yakunida O‘zbekiston Respublikasi Prezidenti Shavkat Mirziyoyev va Kuvayt Davlati Amiri Shayx Mish’al as-Saboh O‘zbekiston-Kuvayt keng qamrovli sheriklik munosabatlarini rivojlantirish to‘g‘risida qo‘shma bayonot qabul qildi. Shuningdek, quyidagi hujjatlar imzolandi:

• Sanoat sohasidagi hamkorlik to‘g‘risida bitim;
• Havo qatnovi to‘g‘risidagi bitimga bayonnoma;
• Mehnat sohasidagi hamkorlik to‘g‘risida bitim;
• San’at va madaniyat sohasidagi hamkorlik to‘g‘risida bitim;
• Sog‘liqni saqlash sohasidagi hamkorlik to‘g‘risida bitim;
• Turizm sohasida 2025-2027-yillarga mo‘ljallangan chora-tadbirlar dasturi;
• Kuvayt arab iqtisodiy taraqqiyot jamg‘armasi bilan hamkorlik to‘g‘risida bitim.

Avvalroq Prezident Mirziyoyevning Malayziyaga tashrifi doirasida ham ikki davlat o‘rtasida 10 ta hujjat imzolangan edi. Xususan, mamlakatlar “Aqlli” shaharlarni rivojlantirish sohasida hamkorlik qiladi.