“O‘zbekinvest” 2024-yilda yillik 6% o‘sish bilan 44,7 mlrd so‘mlik foyda ko‘rdi

Kompaniya deyarli 1,3 trln so‘mlik sug‘urta mukofotlari olib, ikkinchi o‘rinni egallagan

“O‘zbekinvest” EISK AJning 2024-yildagi foydasi 44,7 mlrd so‘mni tashkil etdi, bu 2023-yildagi foydadan 6,3% ga ko‘p hisoblanadi.

Kompaniyaning yalpi sug‘urta foydasi 2023-yilning shu davriga nisbatan 37,0% ga ko‘payib, 48,5 mlrd so‘mga yetdi.

Qimmatli qog‘ozlarga yo‘naltirilgan investisiyalar 538,9 mlrddan 545,9 mlrd so‘mga (+1,3% y/y), qisqa muddatli investisiyalar esa 764,3 mlrddan 823,3 mlrd so‘mga (+7,7%) o‘sdi.

O‘tgan yil yakunlariga ko‘ra, “O‘zbekinvest” deyarli 1,3 trln so‘m sug‘urta mukofotlari oldi va bu yo‘nalishda ikkinchi o‘rinni egalladi. Sug‘urta majburiyatlari bo‘yicha kompaniya 444,4 trln so‘m (+14,8% y/y) ko‘rsatkich bilan yetakchilikni saqlab qoldi.