O’zbekistonda o’z-o’zini band qilganlar soni qariyb 4 mlnga yetdi

Joriy yilning 1-sentabr holatiga ko’ra, ro’yxatdan o’tgan o’z-o’zini band qilganlar soni 3,9 million kishiga yetdi, bu o’tgan yilning shu davriga nisbatan 97,8% (1,9 million)ga ko’p. Bu haqda soliq qo’mitasi xabar beradi.

Eng yuqori o’sish sur’atlarini ko’rsatgan sohalarga quyidagilar kiradi:  

• maishiy xizmatlar — 150,8% (984,1 ming);  
• ishlab chiqarish sektori va xizmat ko’rsatish — 137,3% (212 ming);
• axborot-kommunikatsiya xizmatlari — 116,3%ga (54,1 ming).

Eslatib o’tamiz, 1 iyun kuni o’z-o’zini ish bilan band qilganlar soni 3,2 milliondan oshdi, bu o’tgan yilning shu davriga nisbatan 118,2%ga ko’pdir.