Osiyo taraqqiyot banki O’zbekistonga $3,5 mlrd beradi

Osiyo taraqqiyot bankining Markaziy va G’arbiy Osiyo bo’yicha direktori Yevgeniy Jukov va investitsiyalar, sanoat va savdo vazirining o’rinbosari Xuram Teshabayev 2025-2027 yillarga mo’ljallangan dasturni amalga oshirish bo’yicha $3,5 mlrdlik memorandum imzoladilar. Bu haqda agentlik matbuot xizmati xabar bermoqda.

Dastur «O’zbekiston-2030» rivojlanish strategiyasiga mos loyihalarni o’z ichiga oladi.

Osiyo taraqqiyot banki tomonidan O’zbekiston suveren portfeli bo’yicha taqdim etilgan mablag’larning umumiy hajmi $12 mlrdni tashkil etdi. O’tgan yili Osiyo taraqqiyot banki to’rtta suveren loyiha va ikkita dasturni amalga oshirish uchun oltita kredit va bitta grant ajratgan edi.