O‘zbekistonda “oltin viza” narxi  $250 ming etib belgilandi

O‘zbekistonda “oltin viza” olish uchun eng kam investitsiya miqdori $250 mingni tashkil etadi. Bu haqda Lex.uz saytida ma’lum qilindi.

Xorijlikning oila a’zolari (ota-onasi, turmush o‘rtog‘i, farzandlari) uchun “oltin viza” ni rasmiylashtirish narxi $150 mingni tashkil etadi. Hujjat 1-iyundan boshlab 5 yil muddatga tezlashtirilgan tartibda beriladi.

Shunisi e’tiborga loyiqki, Adliya vazirligining 19-apreldagi xabarida dastlab boshqa raqamlar keltirilgan edi. Xususan, asosiy arizachi uchun $200 ming va uning oila a’zolari uchun $100 ming. Ammo 24-aprel kuni hech qanday rasmiy tushuntirishsiz Telegram’dagi post yangilandi va yangi miqdorlar bilan almashtirildi.