Ba’zi Qozog’iston banklari “Oltin toj” to’lov tizimi orqali pul o’tkazmalariga xizmat ko’rsatishni to’xtatdilar

Qozog’iston banklari, shu jumladan “Freedom Bank”, “HalykBank” va boshqa bir qator banklar “Oltin toj” (Zolotaya korona) to’lov tizimi orqali pul o’tkazmalariga xizmat ko’rsatishni to’xtatdilar. Bu haqda “TASS” xabar berdi. 

26 avgustdan boshlab “Freedom Bank” texnik ishlar tufayli ushbu tizim bo’yicha tezkor pul o’tkazmalarini to’xtatdi. Xizmatni qayta tiklashning aniq muddatlari aniqlanmagan. 

Shuningdek, “Oltin toj” bilan ishlash texnik sabablarga ko’ra to’xtatilganligi haqida “HalykBank”, “Bank RBK” va “Yevroosiyo banki” xabar berishdi.

Shu bilan birga, Markaziy kredit, “Bereke Bank” va “Nurbank” “Oltin toj” bilan ishlashni davom ettirmoqdalar.