O‘zbekistonda 5 grammlik oltin quyma narxi 11 mln so‘mga yaqinlashdi
Bir gramm oltin 2,17 mln so‘mdan oshdi, jahon bozorida esa unsiya $5559 ga yetdi
Фото: Bloomberg
29-yanvar, dushanba kuni O‘zbekistonda 5 grammlik oltin quyma narxi ilk bor qariyb 11 mln so‘mga yaqinlashdi. Bu haqda Markaziy bank ma’lumotlarida keltirilgan.
Bir gramm oltin narxi 5,5% dan ortiq oshib, 2 mln 172 ming 780 so‘mni tashkil etdi. 5 grammlik quyma esa 10 mln 864 ming so‘mga baholanib, avvalgi ko‘rsatkichdan 573 ming so‘mga qimmatlashdi.
26-yanvar kuni 5 grammlik oltin quyma narxi ilk bor 10 mln so‘mlik psixologik chegaradan oshgan edi. Yil boshidan buyon qimmatbaho metall narxi 25,5% ga, so‘nggi 12 oy ichida esa deyarli 84% ga oshdi.
Oltin quymalarning sotuv va qayta sotib olish narxlari (29-yanvar holatiga):
| Og‘irligi | Sotish narxi | Qayta sotib olish (qadog‘i but) | Qayta sotib olish (qadoq buzilgan) |
|---|---|---|---|
| 5 gramm | 10 864 000 so‘m | 10 243 000 so‘m | 10 140 000 so‘m |
| 10 gramm | 21 728 000 so‘m | 20 486 000 so‘m | 20 279 000 so‘m |
| 20 gramm | 43 456 000 so‘m | 40 972 000 so‘m | 40 558 000 so‘m |
| 50 gramm | 108 639 000 so‘m | 102 431 000 so‘m | 101 396 000 so‘m |
| 100 gramm | 217 278 000 so‘m | 204 862 000 so‘m | 202 792 000 so‘m |
Jahon bozorida ham oltin narxi yangi rekordni qayd etdi. Bir troya unsiyasi $5559 ga, bir gramm oltin esa $178,73 ga yetdi. Kun davomida oltin narxi 9,3% ga, yil davomida esa 80% dan ortiq oshdi.
Ulashish:
Moliya va biznes haqida ko'proq yangiliklar Telegram kanalda @KPTLUZ
