Abu-Dabi superyaxta egalari va yaxta sanoati top-menejerlari uchun “Oltin Prichal” dasturini taqdim etdi

Ishtirokchilarga 10 yillik “oltin viza”beriladi

Abu-Dabi superyaxta egalari va yaxta sanoati top-menejerlari uchun mo‘ljallangan “Oltin Prichal” dasturini taqdim etdi. Bu haqda “Media Office Abu-Dhabi” xabar berdi.

Ushbu dastur doirasida 40 metrdan uzun yaxta egalari va sohaga aloqador yetakchi shaxslar 10 yillik “oltin viza” olish imkoniyatiga ega bo‘ladilar, bu esa ularga Birlashgan Arab Amirliklarida doimiy yashash huquqini beradi.

“Golden Quay” dasturi quyidagilarni taklif etadi:

Turizm va dam olish sohasida qo‘llab-quvvatlash
Abu-Dabi marinalariga bevosita kirish
Vizaga oila a’zolarini qo‘shish imkoniyati

Vizaga faqat yaxta egalari emas, balki yirik aksiyadorlar, bosh direktorlar, shuningdek, yaxta sohasi bilan bog‘liq sug‘urta va xizmat ko‘rsatish kompaniyalari mutaxassislari ham ariza topshirishi mumkin.

Mazkur tashabbus Abu-Dabi turizm strategiyasi – “Abu-Dhabi 2030” doirasida amalga oshirilmoqda va uning asosiy maqsadi yaxta turizmini rivojlantirish hamda Amirlikni badavlat sayohatchilar uchun premium yo‘nalishga aylantirishdir.