Oʻzbekistonda oltin quymalari narxi rekord darajada ko’tarildi

Bugun, 24-yanvar kuni, oltin quymalari narxi yangi rekordni qayd qildi. Bu haqda Markaziy bank ma’lum qildi.

Bir gramm oltin 1 193 230 so‘mga yoki o‘tgan kunga nisbatan 0,84%ga qimmatroq baholanmoqda. 5 grammlik quyma 5, 9 mln so‘mdan sotilmoqda va yilning dastlabki 3 haftasida 5,4%ga qimmatlashgan.

Shuningdek, uning turli miqdordagi sotuv narxlari:

• 5 gramm o‘lchovli oltin quyma narxi 5 mln 966 ming so‘m;
• 10 gramm oltin quyma narxi 11 mln 932 ming som;
• 20 gramm oltin quyma narxi 23 mln 865 ming so‘m;
• 50 gramm oltin quyma narxi 59 mln 661 ming so‘m;
• 100 gramm oltin quyma narxi 119 mln 323 ming so‘mni tashkil qiladi. 

Eslatib o‘tamiz, regulyator 16-yanvar kuni 100 grammlik oltin quymalarini sotuvga chiqargan edi.