Odil Temirov “O‘zkimyosanoat” rahbarligiga tayinlandi

Odil Shukurovich Temirov “O‘zkimyosanoat” AJ boshqaruvi raisi etib tayinlandi. Bu haqida aksiyadorlik jamiyatining matbuot xizmati ma’lum qildi. 

U bunga qadar “O‘zbekneftgaz” AJboshqaruvi raisining qayta ishlash bo‘yicha o‘rinbosari lavozimida ishlab kelgan. Temirov o‘zining yangi lavozimida o‘tgan yilning may oyidan beri kompaniyani boshqarib kelgan Timur Muhamedjonov o‘rnini egalladi.

Eslatib o‘tamiz, Odil Temirov 2019-yilda ham “O‘zbekneftgaz” raisi o‘rinbosarligidan “O‘zkimyosanoat” raisligiga o‘tkazilgan va bu lavozimda bir yil faoliyat yuritgandi.