Saudiya kompaniyasi Nukus issiqlik ta’minoti tizimiga $411 mln sarmoya kiritadi

Qoraqalpog‘iston, “Issiqlikta’minoti” va Saudiya Arabistonining “Saudi Tabreed” kompaniyasi Nukus shahrida issiqlik ta’minoti tizimini modernizatsiya qilish bo‘yicha $411 mlnlik loyihani amalga oshirmoqda.

Tomonlar Toshkent xalqaro investitsiya forumi doirasida hamkorlik tafsilotlarini muhokama qildilar.

Loyiha doirasida 360 MVt issiqlik quvvati va 30 MVt elektr energiyasi ishlab chiqarish quvvatiga ega uskunalar o‘rnatish rejalashtirilgan. Mavjud 65 kilometrlik issiqlik tarmoqlari qayta quriladi, shuningdek, 200 dan ortiq individual issiqlik punktlari o‘rnatiladi.

Ishlar yakunlangach, 581 ta ko‘p qavatli uy va 238 ta ijtimoiy obyekt markazlashgan isitish tizimi bilan ta’minlanadi.