Raqobat qo’mitasi “Nukus” xalqaro aeroportiga qarshi ish qo’zg’atdi

Qoraqalpog’iston Respublikasi raqobatni rivojlantirish va iste’molchilar huquqlarini himoya qilish qo’mitasi “Nukus xalqaro aeroporti” tomonidan tashkil etilgan tanlov savdolarida qonun hujjatlari talablariga rioya etilishi yuzasidan tekshiruv o’tkazdi.

Ma’lum bo’lishicha, davlat xaridlari portali orqali o’tkazilgan 120 mln so’mlik tenderda aeroport “davlat xaridlari to’g’risida” va “raqobat to’g’risida”gi qonunlar talablariga javob bermagan.

Shu munosabat bilan qo’mita aeroportga qarshi raqobat to’g’risidagi qonunni buzganligi uchun ish qo’zg’atdi va unga ta’sir choralarini qo’lladi.