O‘zbekistonda bir necha bloger qimor o‘yinlarini reklama qilgani uchun javobgarlikka tortildi

Raqobat qo‘mitasi bukmekerlik kompaniyasining noqonuniy targ‘ibotini aniqladi

Raqobatni rivojlantirish va iste’molchilar huquqlarini himoya qilish qo‘mitasi Melbet bukmekerlik kompaniyasi reklamasi va qimor o‘yinlarini O‘zbekistondagi mashhur blogerlarning ijtimoiy tarmoqlarida joylashtirish faktlarini aniqladi.

Huquqbuzarliklarga fuqarolar Shodiyev Jasurbek (jasjannew), Normamatov Dadabek (allme.uz), Rahmatov Sherxon (sherxon.zdss) va Hasanboyev Hojiakbar (hojiakbar_ku) tomonidan yo‘l qo‘yilgan. Ushbu holatlar bo‘yicha blogerlar ma’muriy javobgarlikka tortilib, materiallar sudga yuborilgan.

“Reklama to‘g‘risida” gi qonunga ko‘ra, O‘zbekiston hududida qimor va tavakkalchilikka asoslangan boshqa ko‘ngilochar o‘yinlarni targ‘ib qilish taqiqlanadi va javobgarlikka sabab bo‘ladi.