NGMK ishlab chiqarish hajmi 37%ga oshdi

Joriy yilning o’tgan 9 oyi davomida “Navoiy kon-metallurgiya kombinati” AJ 66,8 trln so‘mdan ortiq mahsulot ishlab chiqardi, bu o’tgan yilning shu davriga nisbatan 36,9% ga ko‘p. Bu haqda kompaniya matbuot xizmati xabar berdi.

Investitsiya loyihasi doirasida $613,5 mlnlik mablag‘ o‘zlashtirilib, 367 ta yangi ish o‘rini yaratildi. Mahalliylashtirish dasturi doirasida esa 699,5 mlrd so‘mlik mahsulot ishlab chiqarildi. 

Tarmoqlararo sanoat kooperatsiyasi doirasida qariyb 5 trln so‘mlik mahsulot xarid qilindi.

Xarajatlarni maqbullashtirish bo‘yicha kompleks tadbirlar ijrosi mahsulot tannarxini 2,2 trln so‘mga kamaytirish imkonini yaratdi.