MTZ O‘zbekistonga 3 mingdan ortiq traktor va butlovchi qismlar yetkazadi

Minsk traktor zavodi (MTZ) yil oxirigacha O‘zbekistonga 3 mingdan ortiq traktor va yig‘ish uchun komplektlarni yetkazib beradi. Bu haqda MDH bozorlaridagi tijorat ishlari bo‘yicha direktor o‘rinbosari Mixail Vardugin ma’lum qildi.

Nurafshonda allaqachon quvvati 80 dan 212 ot kuchigacha bo‘lgan Belarus traktorlarini qo‘shma ishlab chiqarish yo‘lga qo‘yilgan. Butlovchi qismlarni yetkazib berish ham boshlangan.

Varduginning ta’kidlashicha, hozirda Belarus texnikasi MDHdagi yettita maydonda yig‘ilmoqda: ularning uchtasi Qozog‘istonda, bittadan Rossiya, Tojikiston, Ozarbayjon va O‘zbekistonda joylashgan. Shuningdek, Rossiyada “MTZ-Tatariston” va “MTZ-Shimoliy-G‘arb” bazalarida ikkita yangi investitsiya loyihasi ishlab chiqilmoqda.