Markaziy bank O‘zbekiston banklariga mikroqarz berish talablarini kuchaytirdi

Beriladigan kreditning qarz qoldig'i boshqa to‘lovlarning yig‘indisiga nisbatan kunlik 0,25% dan oshmasligi lozim

Фото: Абдумавлон Мадмусаев / Kapital.uz

Banklarga, shu jumladan mikromoliya banklariga (bank) qo‘yiladigan makroprudensial normativlar hamda ular tomonidan jismoniy shaxslarga beriladigan kreditlar (mikroqarzlar) bo‘yicha to‘lovlarning eng yuqori qiymatlariga doir talablarni belgilnandi. Bu haqdagi Markaziy bank qarori 22-aprelda Adliya vazirligida davlat ro‘yxatidan o‘tkazildi.

Nizomga ko‘ra, banklarga o‘rnatiladigan makroprudensial normativlarga quyidagilar kiradi:

qarz yuki ko‘rsatkichi;
kreditning garovga nisbati ko‘rsatkichi;
kreditlar (mikroqarzlar) kesimida to‘planish (konsentratsiya) koeffitsiyentlari.

Bank tomonidan qarz oluvchiga kredit (mikroqarz) berilishida uning qarz yuki ko‘rsatkichi 50% dan oshmasligi lozim.

Shuningdek, bank tomonidan qarz oluvchiga beriladigan kredit (mikroqarz) bo‘yicha foiz to‘lovlari hamda boshqa to‘lovlar yig‘indisi kreditning (mikroqarzning) asosiy qarz qoldig‘iga nisbatan kunlik 0,25% dan oshmasligi lozim.

Markaziy bank mikroqarzlar va kredit kartalari bo‘yicha konsentratsiya koeffitsiyentlari bo‘yicha yangi talablarga javob bermaydigan banklarga 2029-yil 1-yanvarga qadar muhlat berdi. Bu vaqtdagacha banklar asta-sekin kreditlar konsentratsiyasi ulushini kamaytirishi kerak.

Hujjat bilan ushbu havola orqali batafsil tanishish mumkin.