Mikromoliya tashkilotlarda muammoli kreditlar qiymati 500 mlrd so‘mga yaqinlashdi

Aktivlari yirik mikromoliya tashkilotlari ko‘proq oshgan

Masalan, Tezcoin’ning aktivlari 2,2 trln so‘mdan 6,8 trln so‘mga oshgan. Oltin Yulduz Plus’da esa aktivlar 132,4 mlrd so‘mdan 403,5 mlrd so‘mga, Agat’da 168,2 mlrd so‘mdan 399,1 mlrd so‘mga yetgan.

Ayrim tashkilotlarda aktivlar pasaygan

Sektor bo‘yicha umumiy aktivlar ikki barobar oshganiga qaramay, ba’zi tashkilotlarda aksincha kamayish yuz bergan:

Yangi Finans’ning aktivlari 149,2 mlrd so‘mdan 73,5 mlrd so‘mgacha (-51%), sof kreditlari esa 116,1 mlrd so‘mdan 35,3 mlrd so‘mgacha (-70%) kamaygan. Bu Yangi bank va Yangi finance faoliyati 2026-yil boshida Markaziy bank tomonidan to‘xtatilgani bilan bog‘liq.

Silver Finans’ning aktivlari 4,2 mlrd so‘mdan 1,1 mlrd so‘mgacha (-74%), sof kreditlari esa 2 mlrd so‘mdan 0,3 mlrd so‘mgacha (-85%) tushgan.

NPL ulushi yuqori mikromoliya tashkilotlari

2026-yil 1-avgust holatiga 138 ta MMTning jami kredit qoldig‘i 17,4 trln so‘mni tashkil qilgan. Shundan 459,9 mlrd so‘mi muammoli kreditlar bo‘lib, sektor bo‘yicha NPL ulushi 2,6% ga teng.

Biroq tashkilotlar kesimida ko‘rsatkichlar ancha farqli. NPL ulushi eng yuqori bo‘lgan MMTlar qatorida Kreditomat Tashkent (72,9%), Silver Finans (65,2%), Sirius Kredit (56,3%) va Chust RIR (43,3%) bor.

Shuningdek, Yangi Finans’da NPL ulushi 37,4% , ROHAT’da 36,4% , Farovon Hayot’da 29,6%, Tashdi’da 29,6% va Laym’da 27,3% ga yetgan.

Yirik kredit portfeliga ega ayrim MMTlarda esa mazkur ulush nisbatan past bo‘lgan. Masalan, Tezcoin’da kredit qoldig‘i 6,5 trln so‘m bo‘lsa-da, muammoli kreditlar ulushi 1,9% ni, Fortuna Biznes’da 1,1 trln so‘mlik kredit qoldig‘iga nisbatan 0,8% ni tashkil qilgan. TBC Kredit’da esa 1 trln so‘mdan ortiq kredit qoldig‘ining 0,4%i muammoli kreditlar hisobiga to‘g‘ri kelgan.