Toshkent metropoliteni qurilishida qoidabuzarliklar aniqlandi

Prokuratura “Texnopark” va “Qipchoq” stansiyalari oralig‘idagi uchastkadagi kamchiliklarni bartaraf etish va loyiha me’yorlariga qat’iy rioya etilishini ta’minlashni talab qildi

Фото: Пресс-служба Генпрокураторы

24-iyun kuni O‘zbekiston transport prokurori Ikrom Narimov rahbarligida Toshkentda yer usti metrosi qurilishi jarayoni tekshirildi.

Metropoliten qurilishining birinchi va ikkinchi bosqichlari orasida joylashgan “Texnopark” va “Qipchoq” bekatlari oralig‘idagi hududda “O‘zbekiston temir yo‘llari” buyurtmachisi hamda “Ko‘prikqurilish” pudratchi tashkiloti ishtirokida o‘tkazilgan tekshiruv davomida bir qator kamchilik va qonunbuzarliklar aniqlandi.

Mas’ul tashkilotlarga aniqlangan muammolarni qisqa muddatda bartaraf etish, amalga oshirilayotgan ishlarni loyiha talablariga to‘liq rioya qilgan holda qayta ko‘rib chiqish va qurilish ishlarini belgilangan muddatlarda sifatli yakunlash bo‘yicha aniq ko‘rsatmalar berildi.

Qurilish jarayonlarining shaffofligiga, yo‘lovchilar xavfsizligiga va transport infratuzilmasining barqarorligiga alohida e’tibor qaratilmoqda.

Ushbu sohadagi ishlarning borishi doimiy ravishda nazorat qilib boriladi.