Metan zapravkalar 14-martdan bosqichma-bosqich ochiladi

O‘zbekistonda 14-martdan boshlab metan zapravkalar faoliyati bosqichma-bosqich qayta tiklana boshlaydi. Bu haqda Energetika vazirligi xabar qildi.

Vazirlik shoxobchalarning ish vaqti bo‘yicha qo‘shimcha ma’lumot berilishi ma’lum qildi.

Bugun, 13-mart kuni esa metan zapravkalar faqat ijtimoiy soha obyektlariga xizmat ko‘rsatuvchi va jamoat transporti uchun faoliyat yuritadi.

Eslatib o’tamiz, havo harorati pasayishi sababli 10-mart kuni soat 16:00 dan boshlab metan zapravkalar faoliyatiga vaqtincha cheklov joriy etilgandi. Energetika vazirligi 12-mart kuni esa metan gaz quyish shoxobchalari asosan ijtimoiy soha obyektlari va jamoat transportiga xizmat ko‘rsatishini ma’lum qilgandi.