Andijon viloyatida mebel klasteri tashkil etiladi

Andijon viloyatida mebel sanoati klasteri tashkil etiladi. Bu haqda “Lex.uz”dan ma’lum bo’ldi.

U Oltinko’l tumanidagi Uyg’ur mahallasida joylashadi. Viloyat hokimligi ushbu majmua uchun zaxira fondidan 16 gektar yer ajratishi kerak.

Ikki oy ichida Turkiya, Xitoy va boshqa mamlakatlar mutaxassislari ishtirokida sanoat zonasi kontsepsiyasi ishlab chiqilishi kerak. Shuningdek, taniqli xalqaro mebel brendlarni jalb qilish rejalashtirilgan.

Markaz hududida ishlab chiqarish sexlari, omborlar, ko’rgazma zallari, armatura va butlovchi qismlar uchun savdo markazi quriladi. 

Bundan tashqari, mebel sanoati uchun xomashyo va materiallarni import o’rnini bosuvchi ishlab chiqarish, logistika markazi va mahalliy yetkazib beruvchilarning dilerlik ofislari tashkil etiladi. Ishlab chiqaruvchilar armatura va qismlarni to’g’ridan-to’g’ri yetkazib beruvchilardan sotib olishlari mumkin.

Fevral oyida prezident Andijon viloyatida mebel klasterini tashkil etish rejalari haqida xabar berdi. Shuningdek, u ushbu loyihani qurish uchun 50 mlrd so’m mablag’ ajratish niyatini bildirdi.