Toshkent shahrida mart oyida 1-2 xonali xonadonlar uchun ijara narxlari arzonlashmoqda

O‘zbekiston Respublikasi Vazirlar Mahkamasi huzuridagi Makroiqtisodiy va hududiy tadqiqotlar instituti (MHTI) mutaxassislari tomonidan 2025-yilning mart oyida Toshkent shahrida uy-joylar uchun taklif etilgan ijara narxlari tahlil qilindi. 

2025-yilning yanvar-mart oylarida poytaxtda 1, 2  va 3 xonali turar joylarning o‘rtacha ijara narxlari o‘tgan yilning mos davridagiga nisbatan sezilarli darajada arzonlashgan bo‘lsa,  4 xonali uylarniki Shayxontohur tumanidagi to‘liq ta’mirlangan «lyuks» toifadagi uylar ijarasi hisobiga biroz qimmatlashgan. 

O‘rtacha ta’mirlangan uy-joylar ijarasi

2025-yilning mart oyida o‘rtacha ta’mirlangan xonadonlar uchun o‘rtacha ijara narxlari 2024-yilning mos davriga nisbatan sezilarli darajada arzonlashdi:

• 1 xonali: $296 (o‘tgan yil mart oyiga nisbatan -16.6%);
• 2 xonali: $379 (-4.6%);
• 3 xonali: $454 (-2.9%);
• 4 xonali: $521 (-4.7%).

O‘rtacha ta’mirlangan xonadonlar uchun taklif etilgan nisbatan arzon ijara narxlari: 

• Sergeli tumani (1 xonali – $297, 2 xonali – $373, 3 xonali – $432,  4 xonali – $443); 
• Olmazor tumani (1 xonali – $287, 2 xonali – $347, 3 xonali – $408, 4 xonali – $474). 

O‘rtacha ta’mirlangan xonadonlar uchun eng qimmat ijara narxlari: 

• Shayxontohur tumani (1 xonali – $345, 2 xonali – $462, 3 xonali – $582, 4 xonali – $617); 
• Yakkasaroy tumani (1 xonali – $381, 2 xonali – $528, 3 xonali – $616, 4 xonali – $700).

To‘liq ta’mirlangan uy-joylar ijarasi 

Joriy yilning mart oyida to‘liq ta’mirlangan 1, 2 va 3 xonali turar joylar uchun ijara narxlari ham o‘tgan yilning mart oyidagiga nisbatan arzonlashdi:

• 1 xonali: $411 (o‘tgan yilning mart oyidagiga nisbatan -13,1%);
• 2 xonali: $547 (-15,0%);
• 3 xonali: $728 (-8.5%);

Mazkur davrda 4 xonali uylarning ijara narxi  $957 ni (o‘tgan yilning mart oyida – $909) tashkil etdi va o‘tgan yilning mos davridagiga nisbatan 3,1% qimmatlashdi. 

Toshkent shahrining to‘liq ta’mirlangan uy-joylar uchun eng arzon ijara narxlari Sergeli (1 xonali – $327, 2 xonali – $417, 3 xonali – $513, 4 xonali – $641), Uchtepa tumani (1 xonali – $386, 2 xonali – $450, 3 xonali – $534, 4 xonali – $625) tumanlarida qayd etilgan.

Xuddi shunday to‘liq ta’mirlangan uy-joylar uchun eng qimmat narxlar esa Mirobod tumani (1 xonali – $484, 2 xonali – $731, 3 xonali – $1027, 4 xonali – $1328) va Shayxontohur tumani (1 xonali – $521, 2 xonali – $732, 3 xonali – $1093, 4 xonali – $1381) tumanlarida qayd etildi. 

Ijara narxlari olx.uz platformasidan veb-skreping orqali olingan ochiq ma’lumotlar asosida tahlil qilindi. Bunda 2025-yilning fevral oyi uchun 37,5 mingta va  mart oyi uchun 39,4 mingta, 2024-yilning mart oyi uchun 52,2 mingta ma’lumotdan foydalanildi. Har uchta davr uchun tahlillar narxlar chegarasining yuqori va pastki 5% lik kvantillari chiqarib tashlanganidan keyin amalga oshirildi.