Markaziy bank boshqaruvi raisi Mamarizo Nurmuratov lavozimidan ozod etilishi kutilmoqda

Prezident tomonidan Oliy Majlis Senatiga Markaziy bank boshqaruvi raisi Mamarizo Nurmuratovni egallab turgan lavozimidan ozod etish to‘g‘risida taqdimnoma kiritildi. Bu haqda prezident matbuot kotibi Sherzod Asadov ma’lum qildi.

Mamarizo Nurmuratov bu lavozimda 2017-yildan buyon ishlab keladi. 2022 yil may oyida u mamlakatning bosh moliya instituti rahbarligiga yangi muddatga qayta saylangan.