Farg‘onada “Margilan City Mall” loyihasining qurilish ishlari boshlandi

Farg‘ona viloyati, Marg‘ilon shahrining Navro‘z mahallasida “Yangi O‘zbekiston” massivida yirik infratuzilma loyihasi — “Margilan City Mall” qurilishiga rasmiy tarzda start berildi.

Loyiha qiymati $35 mlnni tashkil qilib, unda savdo markazi, 12, 14 va 16 qavatli 785 xonadonni o‘z ichiga olgan 11 ta turar-joy binosi, avtoturargohlar, bolalar maydonchalari va atrium barpo etiladi.

Qurilishning ochilish marosimida Farg‘ona viloyati hokimi Xayrullo Bozorov, nuroniylar va quruvchilar ishtirok etdi. Tadbirda loyiha haqida batafsil ma’lumotlar berilib, ramziy kapsula tashlash marosimi o‘tkazildi.