Malayziya kompaniyasi Farg’ona viloyatida $150 mlnlik quyosh elektr stansiyasini quradi

Malayziyaning “Sunview Group” kompaniyasi Farg’ona viloyatida 200 megavatt quvvatga ega $150 mlnlik quyosh elektr stansiyasini quradi. Bu haqda viloyat hokimligi matbuot xizmati xabar berdi.

Investitsiya qiluvchi kompaniya va energetika vazirligi o’rtasida davom etayotgan muzokaralar davomida loyihani amalga oshirish shartlari va quyosh elektr stantsiyasi uchun elektr tariflari kelishib olindi.

Loyiha uchun Farg’ona tumanida texnik-iqtisodiy tahlil o’tkazish uchun investorga berilgan yer uchastkasi tanlandi. Elektr stantsiyasining qurilishi joriy yilning to’rtinchi choragida boshlanishi rejalashtirilgan.

Eslatib o’tamiz, Xitoyning “Shandong Aipurui Steel Plate Co., Ltd” Farg’ona viloyatidagi “Taraqqiyot” sanoat zonasida $120 mlndan ortiq metallga ishlov berish zavodini quradi.