Raqobat qo’mitasi «Lukoyl»ga asossiz mablag’larni qaytarishni buyurdi

Avval «Kapital.uz» yozganidek raqobatni rivojlantirish va iste’molchilar huquqlarini himoya qilish qo’mitasi «Lukoil Overseas Supply and Trading Ltd» kompaniyasiga qarshi ish qo’zg’atdi.

Qo’mitaning maxsus komissiyasi «Lukoyl»ning sho’ba tuzilmasini 2020 yilda tasdiqlangan birja savdolarida yuqori likvidli va monopol tovarlarni sotish qoidalarini buzganlikda aybdor deb topdi.

Kompaniya noqonuniy ravishda olingan daromadlarni qaytarish, qonunbuzarliklarni to’xtatish va kelajakda ularning oldini olish choralarini ko’rishga majbur bo’ldi.

Agar kompaniya maxsus komissiya qaroriga rozi bo’lmasa, u raqobat qo’mitasining apellyatsiya kengashiga murojaat qilishi yoki ushbu qaror ustidan sudga shikoyat qilishi mumkin.