Kuzda O‘zbekistondan aviachiptalarni band qilish 12% ga ko‘paydi

Bu yil kuzda O‘zbekistondan aviachiptalarni band qilish 12% ga ko‘paydi. Talab xorijiy safarlarga hamda ichki yo‘nalishlarga taqsimlandi. Bu haqda Aviasales Uzbekistan matbuot xizmati Kapital.uz’ga ma’lum qildi.

Eng mashhur o‘nta mamlakat qatoriga Rossiya, Turkiya, Qozog‘iston, Xitoy, Janubiy Koreya, BAA, Ozarbayjon, Buyuk Britaniya, Latviya va Tailand kirdi.

Ichki turizmda, asosan, Toshkent, Samarqand va Farg‘onaga band qilishlar soni 36% ga oshdi. Shu bilan birga, yangi yo‘nalishlar — Urganch va Nukus ham ko‘zga tashlanmoqda. Qozog‘istonga talab esa yanada ko‘proq — 41% ga oshdi, chipta narxlari esa o‘tgan yilgi darajada qoldi.

Vizasiz rejim joriy etilgandan so‘ng Turkiyaga (-8%) va ayniqsa Xitoyga (-39%) bilet narxlarining pasayishi kuzatilmoqda. Xitoyga bronlar soni 46% ga ko‘paydi. Aksincha, Wizz Air aviakompaniyasi chiqib ketganidan keyin BAA’ga parvozlar 16% ga qimmatlashdi va bronlar 36 foizga kamaydi. Ozarbayjonga ham qiziqish ortib bormoqda — 12% ga oshdi.

Kiruvchi oqimga kelsak, sentabr oyida Rossiyadan har beshinchi xalqaro reys O‘zbekistonga yo‘naltirilgan. Bundan tashqari, Qozog‘iston, Tojikiston va bir qator Yevropa mamlakatlaridan kelgan yo‘lovchilar soni ham ko‘paydi.