“Japan DXT” kripto depozitariy litsenziyasi vaqtincha to’xtatildi

Joriy yilning 16 sentabr kuni istiqbolli loyihalar milliy agentligi (ILMA) “Japan DXT” kripto depozitariysi litsenziyasini 10 kun muddatga to’xtatib qo’ydi. Bu haqda agentlik saytida xabar berilgan.

“Japan DXT” litsenziyasini to’xtatib turish davrida kripto aktivlari bilan operatsiyalar taqiqlanadi.

Kripto depozitariysi faoliyati uchun litsenziya “Japan DXT”ga aprel oyi oxirida berilgan va u O’zbekistondagi uchinchi kompaniya bo’lgan. Iyul oyida kompaniya mamlakatga investitsiyalarni jalb qilish uchun tokenlarni chiqarish rejalarini e’lon qilgan.