O‘zbekistonda fuqarolar o‘z nomiga kredit rasmiylashtirishni cheklash huquqiyga ega bo‘ladi

Oliy Majlis Qonunchilik palatasi deputatlari kredit sohasidagi munosabatlarni takomillashtirishga qaratilgan qonun loyihasini birinchi o‘qishda qabul qildi.

Ushbu loyiha jismoniy shaxslarga o‘z ishtirokisiz yoki xabarisiz kredit bitimlarini rasmiylashtirishni taqiqlash imkonini beradi. 

Buning uchun, jismoniy shaxslar kredit byurosiga murojaat qilib, o‘z nomlariga kredit bitimlari tuzilishini oldini olishlari mumkin bo‘ladi. Shu munosabat bilan kredit bitimlarini taqiqlash reyestrini yaratish ko‘zda tutilgan. Markaziy bank vakilining ta’kidlashicha, reyestrga kiritilgan shaxs banklardan kredit olishni xohlasa, qayta ariza berishi mumkin.