O‘zbekiston va Krasnodar o‘lkasi qishloq xo‘jaligi texnikasini ishlab chiqarish bo‘yicha sanoat klasterini tashkil etadi

O‘zbekiston va Krasnodar o‘lkasi qishloq xo‘jaligi texnikasini ishlab chiqarish bo‘yicha davlatlararo sanoat klasteri tashkil etish to‘g‘risidagi bitimni imzoladi. Bu haqda viloyat gubernatori o‘rinbosari Aleksandr Ruppel ma’lum qildi, deb xabar bermoqda TASS.

Hujjat Toshkentda o‘tkazilgan “Innoprom. Markaziy Osiyo” xalqaro ko‘rgazmasida imzolandi. Yangi klasterga ikki mamlakatning korxonalari kiradi. Loyihada Krasnodardagi “Promagrotexnologiya” kompaniyasi, Boshqirdiston va O‘zbekiston ishlab chiqaruvchilari ishtirok etadi.

Shuningdek, ko‘rgazmada Krasnodarning “Atiss” kompaniyasi va O‘zbekistonning “Industrial Group Energy East” kompaniyasi o‘rtasida kelishuv imzolandi. Kompaniyalar ishlab chiqarish jarayonlarini avtomatlashtirish, raqamlashtirish va robotlashtirishni birgalikda rivojlantirishga kelishib olishdi.

“Innoprom: Markaziy Osiyo” ko‘rgazmasida biz har yili mintaqaning ham yangi, ham sinovdan o‘tgan sanoat mahsulotlarini taqdim etamiz. Kubanning ushbu maydondagi ishtiroki davomida korxonalar 462,2 mln rubldan ortiq 50 ta shartnoma tuzdilar”, – deya qo‘shimcha qildi gubernator o‘rinbosari.