Korrupsiyaga qarshi kurashda eng samarasiz idoralar ma’lum bo‘ldi

O‘zbekistonda 2024-yilda davlat tuzilmalari, tashkilotlar va hokimliklarda korrupsiyaga qarshi kurashish natijalari baholandi. Reyting Korrupsiyaga qarshi kurashish agentligi tomonidan e’lon qilindi.

Ishning samaradorligi 0 dan 100 ballgacha bo‘lgan shkalada baholandi.

Baholar uch toifaga bo‘lingan:

• “yaxshi” — 41 ta tashkilot (81-100 ball);
• “qoniqarli” — 53 ta tashkilot (55-80 ball);
• “qoniqarsiz” — 9 ta tashkilot (55 balldan kam).

Eng yuqori ballarni NKMK (96), Tog‘-kon sanoati va geologiya vazirligi (95) va Markaziy bank (94) qo‘lga kiritdi. Keyingi o‘rinlarda Soliq qo‘mitasi (92), “O‘zbekneftgaz” (92) va Uzbekistan Airports (92). Shuningdek, reytingda Raqamli texnologiyalar vazirligi (91), Kambag‘allikni qisqartirish va bandlik vazirligi (91) va “Hududgazta’minot” (90) yetakchilik qilmoqda.

Eng yomon natijalar ro‘yxatiga quyidagi tashkilotlar kiritilgan:

• “O‘zagrolizing” — 53 ball;
• Davlat mulkidan samarali foydalanish markazi — 53 ball;
• “O‘zbekko‘mir» — 48 ball;
• Davlat ekologik ekspertizasi markazi — 48 ball;
• X. Sulaymonova nomidagi Respublika ekspertiza sudi — 38 ball;
• Farmatsevtika tarmog‘ini rivojlantirish agentligi — 26 ta;
• G‘aznachilik xizmati qo‘mitasi — 17 ta;
• Agrosanoatni rivojlantirish agentligi — 9.