Janubiy Koreyada O’zbekistonning birinchi savdo uyi ochildi

Janubiy Koreyada O’zbekistonning birinchi savdo uyi ro’yxatdan o’tkazildi. Bu haqda «Dunyo» axborot agentligi xabar bermoqda.

Ushbu loyiha o’zbek ishlab chiqaruvchilarining turli xil mahsulotlari, jumladan, oziq-ovqat, to’qimachilik, zargarlik buyumlari va boshqa mahsulotlar bilan «ko’rgazma zali» ni ochishni o’z ichiga oladi. Savdo uyining asosiy vazifasi O’zbekiston va Janubiy Koreya o’rtasidagi savdo-iqtisodiy munosabatlarni rivojlantirishga ko’maklashish, o’zbek ishlab chiqaruvchilarining mahsulotlarini Koreya bozoriga, shu jumladan yuqori qo’shimcha qiymatli tovarlarga eksport qilish uchun yangi imkoniyatlar ochishdir.

Bundan tashqari, bozor imkoniyatlarini o’rganish va Koreya bozorida o’zbek mahsulotlarining mavqeini mustahkamlash orqali reklama kampaniyalarini o’tkazish, eksport turlari va ko’lamini kengaytirish rejalashtirilgan. Bundan tashqari, savdo uyi Janubiy Koreyada bo’lib o’tadigan turli ko’rgazmalarda ishtirok etishni istagan tadbirkorlarni qo’llab-quvvatlaydi.