Yanvar oyida O‘zbekiston kompaniyalari 8,5 trln so‘m soliq to‘lagan

2025-yil yanvar oyida 959 ta tashkilot 8,5 trln so‘mdan ortiq soliq to‘lagan. Bu haqda Soliq qo‘mitasi xabar bermoqda.

Umumiy summaning 4,5 trln so‘mi 10 ta davlat kompaniyasi hissasiga to‘g‘ri keladi. Ular orasida “Navoiy kon-metallurgiya kombinati” (NKMK) yetakchi bo‘lib, 2 trln so‘m mablag‘ kiritgan. Ikkinchi va uchinchi o‘rinlarni 639,1 mlrd so‘m bilan “Olmaliq kon-metallurgiya kombinati” (OKMK) va 3,8 trln so‘m bilan “O‘zkimyosanoat” egallagan.

Top-10 soliq to‘lovchilar ro‘yxatiga kiritilgan boshqa davlat kompaniyalariga quyidagilar kiradi:

• “Navoiyuran” DK — 298,5 mlrd so‘m;
• “O‘zbekneftgaz” — 279,8 mlrd so‘m:
• “Hududgazta’minot” — 240,3 mlrd so‘m;
• “Uzgastrade” — 218,3 mlrd so‘m;
• “Asia Trans Gas” — 148,5 mlrd so‘m;
• “Aloqabank” — 116,5 mlrd so‘m
• “O‘ztransgaz” — 111,2 mlrd so‘m.

Eng yirik o‘nta xususiy korxonaga 1,3 trln so‘m to‘g‘ri keladi. Ulardan eng yirik soliq to‘lovchi “UzBAT” bo‘lib, u byudjetga 182 mlrd so‘m kiritgan. Undan keyingi o‘rinlarni “ADM Jizzakh” 62,2 mlrd so‘m va “Epsilon Development Company” 50,6 mlrd so‘m bilan egalladi.

Boshqa xususiy kompaniyalarga quyidagilar kiradi:

• “Kapitalbank” — 48 mlrd so‘m;
• “Hamkorbank” — 47,6 mlrd so‘m;
• “Unitel” MCHJ QK — 47,6 mlrd so‘m;
• “Tashkent Tobacco” — 42,3 mlrd so‘m;
• “TBC Bank” — 37 mlrd so‘m;
• “Coca-Cola Ichimligi Uzbekistan” — 36,7 mlrd so‘m;
• “RWS Optimum” — 33,5 mlrd so‘m.