Ipoteka kreditini qayta moliyalash kompaniyasi 250 mlrd so‘mlik obligatsiyalar chiqardi

“Toshkent” fond birjasi boshqaruvi tomonidan ipoteka kreditlarini qayta moliyalash kompaniyasi obligatsiyalarining yangi emissiyasini savdoga qo‘yishga ruxsat etildi. Bu haqda birjaning rasmiy saytida xabar qilindi.

Unga ko’ra, obligatsiyalar “IQMK3V4” belgisi ostida “Bond Market” ro’xatiga kiritilgan. Har birining nominal qiymati 1 mln so‘m bo‘lgan 250 ming dona obligatsiyalar chiqarilgan.

Obligatsiyalarning kupon stavkasi har chorakda to’lanadigan foizlar bilan yillik 19% qilib belgilandi. Qimmatli qog’ozlarning muomala muddati 3 yilni tashkil etadi.