O’zbekistonda 485 mingdan ortiq ko’chmas mulk ijarasi shartnomalari ro’yxatdan o’tkazildi

Joriy yilning 1 sentabr holatiga ko’ra, O’zbekistonda soliq organlarida 485,3 mingta ko’chmas mulk ijarasi shartnomasi ro’yxatdan o’tgan. Bu haqda soliq qo’mitasi xabar berdi.

339,6 ming ijara shartnomasi asosida jismoniy shaxslar o’rtasida 354 mlrd so’m daromad solig’i hisoblab chiqilgan. Bu o’tgan yilning shu davriga nisbatan shartnomalar soni bo’yicha 16,8%ga va soliq miqdori bo’yicha 20,5%ga ko’pdir.

Yuridik shaxslar orasida 145,7 ming ijara shartnomasi ro’yxatdan o’tkazildi, uning asosida 162,5 mlrd so’m soliq undirildi. Bu yerda shartnomalar soni o’tgan yilga nisbatan 18,2%ga, soliqlar esa 21,9%ga oshdi.

Shuningdek, talabalar bilan 71,6 ming uy-joy ijarasi shartnomasi tuzildi, natijada 108,7 ming talaba uy-joy ijaraga oldi. Talabalar uchun uy-joy ijaraga bergan egalar ushbu daromadlardan soliq to’lashdan ozod qilinib, 47,1 mlrd so’mni tashkil etdi.