“Kaspi” Turkiyaning “Hepsiburada” kompaniyasini sotib olish jarayonini yakunladi

Fintech-xolding kompaniyasi “Kaspi” Turkiyaning “Hepsiburada” marketpleysini sotib olish bo‘yicha bitimni rasman yakunladi. Bu haqda 29-yanvar kuni AIX veb-saytida e’lon qilingan kompaniya ma’lumotlaridan ma’lum bo‘ldi.

Turkiya marketpleysini sotib olish shartnomasi 2024-yil 17-oktyabr kuni “Kaspi” va asosiy aksiyadorlar guruhi o‘rtasida imzolangan. Sotuvchilar orasida platforma asoschisi va nazorat qiluvchi aksiyador Xanzade Dogan, shuningdek, Vuslat Dogan Sabandji, Begum Dogan Faraliali, Arzuxon Dogan Yalchindag va Ishil Dogan bor. Shuningdek, bitimning narxi taxminan $1,13 mlrdni tashkil qilgan.

“Kaspi” va “Hepsiburada” o‘z brendlari hamda operatsion tuzilmalari saqlab qoladi», — deyiladi fintex-xolding bayonotida.

Ushbu bitim natijasida “Kaspi” 2025-yil 29-yanvardan boshlab “Hepsiburada” ning nazorat qiluvchi aksiyadoriga aylandi. Fintech-xolding “Hepsiburada” aksiyadorlik kapitalining 65,41% ulushini sotib oldi.