2027-yilga qadar O‘zbekiston o‘zini kartoshka bilan to‘liq ta’minlashni rejalashtirmoqda

Prezident Shavkat Mirziyoyev 30-yanvar kuni tomorqada va ijaraga berilgan ekin yerlarida daromadli mahsulot yetishtirishning yangi tizimi bo‘yicha yig‘ilish o‘tkazdi.

Joriy yilda qishloq xo‘jaligi fondidan kartoshkachilikni rivojlantirish uchun 400 mlrd so‘m ajratiladi. Shuningdek, import qilingan urug‘lik kartoshka uch yil davomida bojxona to‘lovlaridan ozod qilinadi.

2027-yildan boshlab mamlakat kartoshkaga bo‘lgan ehtiyojni to‘liq ichki resurslar hisobidan qondirishni rejalashtirmoqda.

Shuningdek, Kartoshkachilik ilmiy-tadqiqot institutiga iqlimga mos, serhosil navlarni yaratish, “in-vitro” usulida yiliga 3 mln dona tuganaklar yetishtirib, tarqatish vazifasi qo‘yildi.