Italiya 2026-yildan boshlab O‘zbekistonga 1,5 ming ish o‘rni uchun kvota ajratadi

Mamlakatda muhandislik, turizm va qishloq xo‘jaligi sohalarida o‘zbekistonlik mutaxassislarga talab yuqori

Фото: Агентство по миграции

Italiya 2026-yildan boshlab O‘zbekiston fuqarolari uchun 1,5 mingta bo‘sh ish o‘rniga kvota ajratadi. Bu haqda Migratsiya agentligi xabar bermoqda.

Shuningdek, tomonlar joriy yilning 29-may kuni imzolangan migratsiya va mobillik sohasida o‘zaro anglashuv memorandumini amalga oshirish masalalarini muhokama qildilar.

Bundan tashqari, Italiya tomoni muhandislik, turizm va qishloq xo‘jaligi sohalarida malakali mutaxassislarga talab yuqori ekanligini ma’lum qildi.

Avvalroq Kapital.uz Italiyaning “Yashil jamg‘armasi” O‘zbekistonda vodorod jamoat transporti loyihasini amalga oshirish va tegishli infratuzilmani rivojlantirish uchun “O‘zavtosanoat” delegatsiyasiga grantlar ajratishi haqida yozgan edi.