100 dan ortiq kompaniyalar IT-Park rezidenti maqomini yo’qotdilar

IT Park o’z majburiyatlarini bajarmaganligi uchun 101 kompaniyani rezident maqomidan mahrum qildi. Bu haqda texnologik kompleks matbuot xizmati xabar bermoqda.

Rezident maqomini yo’qotgan kompaniyalarning aksariyati Toshkentda joylashgan. Sakkizta kompaniya Farg’ona viloyatida, beshtasi Qashqadaryo viloyatida, uchtasi Navoiy viloyatida, qolganlari esa O’zbekistonning boshqa viloyatlariga taqsimlangan.

Shartnoma shartlariga rioya qilmagan shaxslar rezident maqomini va soliq imtiyozlaridan foydalanish huquqini yo’qotadi, shuningdek O’zbekiston davlat budjetiga o’tkazib yuborilgan to’lovlarni belgilangan tartibda tiklashlari shart.