O’zbekistondan Issiqko’lga poyezd qatnovi yo’lga qo’yilishi rejalashtirilmoqda

MDHga a’zo davlatlar temir yo‘l transporti bo‘yicha o’tkazilgan kengashda O’zbekiston va Qirg’iziston temir yo’llari rahbarlari o‘rtasida ikki tomonlama uchrashuv bo‘lib o‘tdi.

Unda yuk tashish hajmlarini oshirish va tarif chegirmalarini qo‘llash masalalari bo‘yicha muzokaralar olib borildi. Shuningdek, ikki davlat o‘rtasida asosiy yuklar — ko‘mir, sement va boshqa mahsulotlarni tashishda “Temiryo‘lkargo” AJ yuk vagon parklaridan foydalanish hamda tarozi xo‘jaligi ob’yektlarini ta’mirlash masalalari muhokama qilindi.

2025-yil yozida O’zbekistondan “Toshkent-Ribache” ya’ni Issiqko’lga turistik poyezdlar qatnovini yo‘lga qo‘yishga kelishib oldilar.