Imtiyozli ipoteka krediti uchun ariza berish jarayoni boshlandi

O‘zbekistonda uy-joyni ta’mirlashga yoki qurish uchun ipoteka kreditlarini rasmiylashtirish boshlandi. Bu haqida UzA xabar berdi.

Ipoteka kreditlarini 20 yil muddatga yillik 17,5% stavka bilan 120 mln so‘mgacha olish mumkin. Ammo, kredit “Mahalla yettiligi”ning tavsiyalari asosida ajratiladi.

Ushbu ipoteka kreditini olishi mumkin bo‘lgan shaxslar bugundan boshlab online-mahalla.uz platformasi orqali ariza yuborishlari mumkin.

Shuningdek, ushbu ipoteka kreditlari bo‘yicha davlat subsidiya tizimi joriy etilishi ko‘zda tutilgan. Dastlabki badalning 15%i va foiz to‘lovlarining 12% dan oshgan qismi davlat tomonidan qoplanadi.