ILMA «Global Isurance» sug’urta kompaniyasining litsenziyasini to’xtatdi

Istiqbolli loyihalar milliy agentligi (ILMA) Global Isurance Group sug’urta kompaniyasining litsenziyasini 10 kunga to’xtatdi. Bu haqda agentlik veb-saytida xabar berilgan.

Shuningdek, sug’urta kompaniyasi moliyaviy hisobotlarni tahlil qilishda aniqlangan qonun hujjatlarini buzganlik uchun 62 mln so’m jarima oldi.

Ta’kidlanishicha, litsenziyani to’xtatib turish paytida «Global Isurance» yangi sug’urta (qayta sug’urtalash) shartnomalarini tuzish yoki mavjudlarini yangilash huquqiga ega emas. Biroq, u belgilangan tartib-qoidalarga muvofiq ilgari tuzilgan shartnomalar bo’yicha majburiyatlarni bajarishi shart.